"මා හද අසපුව" ඔබෙන් සමු ගන්නට තීරණය කර ඇති වග කණගාටුවෙන් වුවද දැනුම් දීමට කැමැත්තෙමි....
තවම මාස 11ක් පමණක් වයසැති මේ පුංචි ළදැරිය ඒ කෙටි කාල සීමාව තුල 2300කට ආසන්න හදවත් තුලට සමීපව ඒ සිත් වලට සිහිලසක් වූ බැව් දකිද්දී සිතට දැනෙන්නේ නිහතමානී ආඩම්බරයකි.
එපමණක් නොව,ආදරණීය වූත් සොඳුරු වූත් සිත් 19ක සෙවණෙහි රැඳෙමින් ඔවුන්ගේ වටිනා අදහසින් පන්නරය ලද මාගේ පද වැල් අගයමින්, එහි ගුණ දොස් පෙන්වාලමින් මා සවිමත් කල ඔබ සැමට මාගේ හද පිරි අවංක ස්තූතිය පුද කර සිටිමි.
" මා හද අසපුව " ඔබෙන් නික්මෙන්නට මොහොතකට පෙරාතුව, ඇය සතු යුතුකමක් ඉටු කල යුතුව ඇත.
" මා හද අසපුව " සැබැවින්ම මෙලොව එළිය දුටුවේ 2012.01.12 දා වුවද මාගේම කියා පැදි නිර්මාණ එළි දැක්වීමට බ්ලොග් අවකාශයට එක් වීම සඳහා අත් පොත් තබන්නට කරුණු කාරණා යෙදුණේ හරියටම මින් වසරකට ඉහතදීය.ඒ 2012.12.06 දා ය.බ්ලොග් අවකාශය මට සුපුරුදු කල ඒ සොඳුරු මිතුරාණන් මේ අවස්ථාවේදී සිහිපත් කරනුයේ කළගුණ සැලකීමක් වශයෙනි...
"මා හද අසපුව" සැබැවින්ම "මා"ගේ "හද"වතේ ගැඹුරුම තැන් ස්පර්ශ කල සංවේදී අවස්ථාවන් එක් "අසපුව"කට ගොණු කල,මා බෙහෙවින් ආදරය කල වටිනා වස්තුවක් ලෙස පවසනු කැමැත්තෙමි....
ඉතින් මා පසුපසින් හිඳ මට නිබඳ දිරි සවි ලබා දුන්....
ශයංග, ඩිසංකා, හංස,ලක්මිණී, රවින්,ළහිරු,නුවන්, කැලුම් අය්යා, වර්ණා, ආශා, ප්‍රාර්ථනා, ශෂී, හසිත, පැතුම්, නාකියා, හිරූ, චාන්දි නැන්දා, ගයනි අක්කා,සුරේෂ් මල්ලී ඇතුළු සැමටත්,
මාගේ නිර්මාණ මූණු පොත හරහා රස විඳ වදනකින් හෝ මා දිරි ගැන්වූ සැමටත් අනේක වාරයක් ස්තූතියි....
සහසක් බ්ලොග් පිටු සැරිසරන මේ සුවිසල් අවකාශය තුළ මාගේ මේ සමු ගැන්ම ඔබට නොතරම් වනු ඇත......
එහෙත්,
මාහට නම්,
ඔබ සැම නැති අඩුව....
සෑමදා නොවෙනස්ව දැනෙනු ඇත...
ඉතින් සමු ගනිමි....!!!!
ඔබ සැමට තෙරුවන් සරණයි...!!!
