නුඹෙ සැප දුක හොයපු හිතම අදින් පසුව ගොළු වේවී....
නුඹ දුන් දුක දැරූ නෙ'තඟ ගැලු කඳුළැලි නිම වේවී.......
මා නිසසල බව දැනුනම නුඹගේ සුසුමන් පාවී.......
මගේ වතේ දැවටෙද්දී මට ඒ බව නොදැනේවී.......!!!!
සැවොම හඬන නිසා ඉතින් බොරු කඳුළැලි හෙලන්නෙපා...
මගෙන් මිදුණු සතුට වෙතොත් සිනහා සඟවන්න එපා....
යළි සසරෙදි හමු වූවොත් මේ ලෙස දුක් දෙන්න එපා....
මා මෙලොවින් නික්මෙන දා නෑවිත් නම් ඉන්න එපා....
කවදා හෝ මියෙනා බව නුඹ හට අමතක වුනාද...?
එක සිනහා පොදක් නුඹෙන් ලබන්න පින් මදි වුනාද....?
මේ හදවත කවදා හරි නවතින බව නොහැඟුනාද....?
පියවද්දිත් නෙත පිරි තෙත නුදුටුව සේ හිඳියි නේද....?
